بی آر اے نے سریاب روڈ دھماکہ کی ذمہ داری قبول کرلی 5 اہلکار ہلاک ہوئے فائرنگ ہم نے نہیں کی ،میر سرباز بلوچ

کوئٹہ (نیوز ڈیسک) سریاب روڈ ایریگیشن کالونی میں ریموٹ کنٹرول بم دھماکہ 5 ایف سی اہلکاروں کو ہلاک کرنے کا بی آر اے کا دعویٰ مند میں ایف سی کیمپ پر دستی بم سے حملہ کی ذمہ داری نے بی بی آر اے نے قبول کرلی تفصیلات کے مطابق بلوچ سلح تنظیم بی آر اے کے ترجمان میر سرباز بلوچ نے نامعلوم مقام سے اخبارات کے دفاتر فون کرکے سریاب روڈ میں واقع ایریگیشن کالونی میں ایف سی کے کانوائے پر حملے کی ذمہ داری قبول کرلی میر سر باز بلوچ نے کہا کہ اس حملے میں ایف سی کی دو گاڑیاں مکمل طور پر تباہ پانچ ایف سی اہلکار ہلاک جبکہ درجنوں زخمی ہوگئے میر سر باز خان بلوچ نے کہا کہ یہ حملہ گذشتہ پانچ دنوں سے ڈیرہ بگٹی کے علاقوں مڑوار اور گو ڈی میں سیکورٹی فورسز کے آپریشن کے رد عمل میں کیا گیا ہے اس حملے کے بعد ایف سی اہلکاروں کی فائرنگ سے کئی معصوم شہری بھی ہلاک وذخمی ہوگئے اس کے علاوہ ایک کارروائی میں مند میں مند یگ کے مقام پر ایف سی چیک پوسٹ پر دستی بم سے حملے کی ذمہ داری بھی سرباز بلوچ نے بی آر اے کی طرف سے قبول کرلی میر سرباز بلوچ کے مطابق آخری اطلاعات آنے تک سیکور ٹی فورسز کے ساتھ چھڑپیں جاری تھیں ۔